ګلوبل وارمنګ كښې پاكستان د نړۍ 8 م هېواد دے۔ ځنګلونه لګول شوق نه بلكې زمونږ دنسلونو د مرګ او ژوند سوال دے۔ د وزيراعظم عمران خان بلوكي كښې د”پلانټ فار پاكستان” وژن ترسېوري لاندې د سپرلي موسم ونو لګولو كمپائن پېل په موقع دستورې ته خطاب

ننکانہ صاحب/بلوکی۔09 فروری(اے پی پی) وزیراعظم عمران خان وئيلي دي ګلوبل وارمنګ كښې پاكستان د نړۍ 8 م هېواد دے۔ ځنګلونه لګول شوق نه بلكې زمونږ دنسلونو د مرګ او ژوند سوال دے۔ په لس كلونو كښې يواځې لارهو څخه د زرګونو په شمېر اونې غوڅې شوې۔ لاهور او نوې ډيلې تر ټولو زيات آلودګي لرونكې ښارونه دي۔ په راروانو 5 كلونو كښې به 10 اربه اونې لګوو۔ زلمي دې ددې كمپائن برخه جوړه شي۔ څوك چې دا سوچ كوي چې حكومت به چاته اېن آر او وركړي نو هغه دې واوري چې حكومت به اېن آر او چاته ورنكړي۔ اېن آر او به هېواد سره غداري وي۔ په ښارونو كښې د زياتو منزلونو ودانيو جوړولو اجازت به وركړو۔ ننكانه صاحب كښې به ګرونانك پوهنتون جوړولې شي او د هېواد او بهر څخه راتلونكو څخه ياترا له راتلوكې سكھ ورورولۍ له به ټولې ممكن آسانۍ وركولې شي۔ ددې خيالاتو څرګندونه ده تېره ورځ د ننكانه صاحب بلوكي سيمه كښې قبضه مافيا څخه په خوشې كړې شوې 2500 اېكړه زمكې د ځنګل لګولو او د وائلډ پارك جوړولو په لړ كښې د”پلانټ فار پاكستان” وژن ترسېوري لاندې د روان كال 2019ﺀ د سپرلي موسم ونو لګولو كمپائن پرانستې په مهال خپل خطاب كښې وكړه۔ دستورې ته خپل خطاب كښې وزيراعظم په دې خبره د خوشحالۍ څرګندونه كولو سره ووئيل چې دلته كوم كار كېږي دغسې په ټولو هېواد كښې كول دي۔ د طاقتورو قبضه ګرو څخه مزكې خوشې كولو سره زيات نه زيات ځنګلونه لګول دي۔ وزیراعظم ووئيل دا هغه هېواد وو چرته چې لويې لويې ځنګلې وې۔په دې مهال ده د خپل ماشوموالي ذكر هم وكړه كله چې دې خپل ماما سره به د چهانګا مانګا ٬ چيچه وطني او كندياں ځنګلو ته راتلو۔ ده ووئيل اوس د دغه ځنګلونو حالت ډېر ناوړه دې۔ ده ووئيل په ټول پاكستان كښې به 5 كاله كښې 10 اربه ونې لګوو۔ ده ووئيل په تېرو 5 كلونو كښې مو په خېبر پختونخوا كښې 18 كروړه ونې ولګولې۔ په دې مهال ده د ننكانه صاحب دوهم كمشنر د هڅو ستائنه وكړه چا چې قبضه مافيا څخه دا زمكه آزاده كړې ده۔ وزیراعظم ووئيل د اېن آر او مطلب لوې مجرمان معاف كول دي۔ پخوا پروېز مشرف نواز شریف ته اېن آر او وركړه۔ د كومې د لارې چې هغه 10 كلونو له سعودي عربستان ته ولېږلې شو او د حدېبيه پېپر ملز كوم كېس چې جوړ كړې شوې د هغې مخه ونيولې شوه۔ بلخوا په سوئس كېس كښې د قوم دوه اربه روپۍ مصرف كړې شوې ٬ لندن كښې د سرے محل كېس وشو او هغه كېس پاكستان ګټلې وو ولې مينځ كښې امريكا راغله او هغه پېسې چې پاكستان ته راتلې هغه هم ترلاسه نه شوې او الټا زيان د پاكستان وشو۔ ده ووئيل د پاكستان قرضه 6 كھربه وه كومه چې په 10 كاله كښې 30 زره اربه ته ورسېده۔ ده ووئيل هېواد كښې چرته داسې نه دي شوې چې څوك زندان نه راشي او د پبلك اكاؤنټس كمېټۍ چيئرمېن جوړ شي۔ ده ووئيل د هېواد په تاريخ كښې په 5 مياشتې كښې چرته درې وزيران مستعفي شوې نه دي۔ او بل اړخ ته د چا چې بېنك اكاؤنټونه او جائيدادونه ثابت شوي دي هغوي كښې چا هم استعفا وركړې نه ده۔ وزیراعظم ووئيل بلوکی وائلډ لائف پارک به د بابا ګرونانک نوم ته منسوب كولې شي۔ وزیراعظم ووئيل كله چې څوك د سكول ٬ كالج يا پوهنتون مطالبه كوي نو ماته خوشحالي كېږي۔ ده ووئيل د بابا ګرونانک د 550 مې زېږېدنې ورځې په موقع به کرتارپور كښې دستوره كولې شي۔ دې څخه وړاندې وزيراعظم د پلانټ فار پاکستان پروګرام ترسېوري لاندې اونه لګولو سره د سپرلي موسم د شجركارۍ كمپائن په باضابطه توګه پرانسته وكړه۔ په دې مهال موسمي بدلون لپاره د وزيراعظم صلاكار ملک امین اسلم وزيراعظم ته بلوكي كښې په 2500 اېکړه زمكه د ځنګل لګولو او وائلډ لائف پارک جوړولو منصوبې په اړه بريفنګ وركړو۔ دستوره كښې د پنجاب ګورنر چوهدری سرور، د قومي اسمبلۍ غړې اعجاز شاہ ، صوبائی وزیر سبطین خان او د قومي او صوبائي اسمبلۍ نور غړي هم موجود وو۔ په دې مهال ننكانه صحاب څخه راغلې د سكه ورورولۍ زده كوؤنكو هلكانو او انجونو ملي سندره هم وړاندې كړه

مضمون کا ماخذ : لاٹری ٹکٹ خریدیں

متعلقہ مضامین