پاکستان دہشت گردی دے واقعات دے حوالے نال افغانستان دی عبوری حکومت دے نال مسلسل رابطے وچ اے ، ترجمان دفتر خارجہ

اسلام آباد۔22دسمبر(اے پی پی) دفتر خارجہ دی ترجمان ممتاز زہرہ بلوچ آکھیے جو پاکستان دہشت گردی دے واقعات اتے سرحد پار تشدد دے ول سرچاوݨ دے حوالے نال افغانستان دی عبوری حکومت دے نال مسلسل رابطے وچ اے ، امید اے افغان حکام پاکستان نال کیتے ڳئے وعدیں کوں پورا کرݨ کیتے کم کریسن تے آپݨی سرزمین کوں ہمسایہ ملک دے خلاف استعمال نہ تھیوݨ ݙیسن ، اساکوں بھارت اچ انتہا پسند قوم پرستی دے عروج اتے خطے کیتے ایندے توسیع پسندانہ عزائم تے تشویش اے۔ اے ڳالھ انہاں خمیس کوں ہفتہ وار پریس بریفنگ اچ آکھی اے ۔ ترجمان دفتر خارجہ چمن دے علاقہ سپن بولدک اچ پاکستان تے افغانستان دی سکیورٹی فورسز وچال جھڑپاں متعلق ھک سوال دے جواب اچ آکھیے جو اساں ایجھے واقعات کوں روکݨ کیتے افغانستان دے نال قائم ادارہ جاتی طریقہ کار کوں جاری رکھݨ تے اتفاق کیتے ۔ ترجمان آکھیے پاکستان افغان حکام نال ایں ڳالھ دا اعادہ کیتے جو شہریاں دا تحفظ ݙوہیں فریقاں دی ذمہ واری اے۔انہاں آکھیے پاکستان افغانستان نال آپݨے بھرپی آلے تعلقات کوں برقرار رکھݨ تے امن دے قیام کوں یقینی بݨاوݨ کیتے پرعزم اے،پاکستان ہمسایہ ملک افغانستان سودھے بین الاقوامی شراکت داراں دے نال ڳالھ مہاڑ جاری رکھی ہوئی اے ایں ڳالھ کوں یقینی بݨایا ونڄ سڳے جو افغان سرزمین توں تھیوم آلی دہشت گردی پاکستان تے اثر انداز نہ تھی سڳے۔ انہاں امید ظاہر کیتی جو افغان حکام پاکستان نال کیتے ڳئے وعدیں کوں پورا کرݨ کیتے کم کریسن تے آپݨی سرزمین کوں ہمسایہ ملک دے خلاف استعمال نہ تھیوݨ ݙیسن ۔پاکستان افغانستان کدے درمیان ڳالھ مہاڑ دے پس منظر اچ تحریک طالبان پاکستان (ٹی ٹی پی) دا مقابلہ کرݨ کیتے چین توں فیدے بارے سوال تے ترجمان آکھیے پاکستان اتے چین قریبی سٹرٹیجک شراکت دار ہن تے اساں انسداد دہشت گردی تے افغانستان دی صورتحال سودھے سارے دلچسپی دے امور تے ھک ݙوجھے نال مشورہ کریندوں ۔ وزیر خارجہ بلاول بھٹو دے عہدہ سنبھالݨ توں بعد غیر ملکی دوریں دی تعداد بارے پچھیے ڳئے سوال دے جواب اچ انہاں ان ملکاں دی فہرست پیش کیتی جیں اچ سعودی عرب (ݙوواری )، متحدہ عرب امارات (ݙو واری)، امریکا (ترائے واری)، چین (ݙوواری) ، سوئٹزرلینڈ، ایران، ازبکستان (ݙوواری)، کمبوڈیا، ازبکستان، جرمنی، مصر، انڈونیشیا تے سنگاپور دا ھک ھک واری دورہ شامل اے۔ ٻاہرلے ملک پاکستانی مشنز کوں تنخواہیں ݙیوݨ اچ تاخیر دے جواب اچ ترجمان دفتر خارجہ آکھیے تنخواہیں ݙیوݨ دے عمل کوں بحال کرݙتا ڳئے جیں کوں وزارت خزانہ، سٹیٹ بینک اتے بین الاقوامی چینلز متعلق “ٻہوں اوکھے ” مسئلے دی وجہ توں معطلی دا سامنا کرݨا پئے ۔پاکستان اچ قید بھارتی بحریہ دے کمانڈر کلبھوشن یادیو متعلق تازہ ترین صورتحال بارے سوال دے جواب اچ انہاں آکھیے انہاں دی ایں حیثیت اچ کوئی تبدیلی کائنی تھئی ۔ ترجمان آکھیے اڄوکے ہفتے پاکستان قزاخستان دے نائب وزیر اعظم سیرک زومانگارین دی میزبانی کریسی جیڑھا جو پاکستان-قزاخستان بین الحکومتی مشترکہ کمیشن کیتے ھک اعلیٰ سطحی وفد دی قیادت کریسن ۔

مضمون کا ماخذ : ایڈونچر کی کتاب

متعلقہ مضامین