بلوچستان دی ترقی تے خوشحالی کیتے قدرتی وسائل توں بھرپور افیدہ چاونڑ اتے تعلیم دا فروغ بہوں لازمی ہے ، چیئرمین سینیٹ محمد صادق سنجرانی

اسلام آباد ۔ 09 اگست (اے پی پی) چیئرمین سینیٹ محمد صادق سنجرانی آکھے جو بلوچستان دی ترقی تے خوشحالی کیتے قدرتی وسائل توں بھر پور فیدہ چاونڑاں اتے تعلیم ڈیونڑ بہوں لازمی ہے ۔ بلوچستان اچ نینگر نسل دے مستقبل کو ںروشن کرنڑکیتے موقعے موجود ہن ، لوڑ ایں گالھ دی ہے جو نینگر نسل تعلیم گھن تے انہاں توں فیدہ چاون۔ اے گالہیں انہاں بلوچستان توں تعلق رکھنڑآلے مختلف یونیورسٹیاں اتے کالجاںدے 180 طلباءو طالبات اتے استاداں نال گزریل رات پارلیمنٹ ہاﺅس اچ ملاقات کریندے ہوئیں آکھیاں۔ چیئرمین سینیٹ آکھیا جو بلوچستان قدرتی وسائل دی دولت توں مالا مال ہے اتے سی پیک منصوبہ نال بلوچستان دے لوکیں اتے خاص طور تے پڑھی لکھی نینگر نسل بھر پور فیدہ چاءسگدی ہے ۔ انہاں آکھیا جو گوادر بلوچستان دے لوکیں دا مستقبل ہے جیندے توں فیدہ چاءتے نہ صرف بلوچستان دی تقدیر بدلی ونج سگدی ہے جڈانجو سارے ملک اچ ترقی تے خوشحالی گھن آئی ونج سگدی ہے ۔ چیئرمین سینیٹ آکھیا جو اوتکھے چین دا دورہ کریسن اتے بلوچستان دے طلباءو طالبات کیتے 200 وظائف چین دی حکومت توں گھن امسن ۔ انہاں آکھیا جو مکران ڈویژن توں فٹ بال دی ٹیم تیار کیتی ویسی ۔ انہاں آکھیا جو میں چینی سفیر نال گوادر اچ فٹ بال سٹیڈیم تعمیر کرنڑ دی وی گالھ کیتی ہے ۔

مضمون کا ماخذ : resultados loteria Bahia

متعلقہ مضامین