اسلام آباد۔7اگست (اے پی پی) چیئرمین وزیراعظم یوتھ پروگرام رانا مشہود احمد خان آکھیا جو وزیراعظم شہباز شریف دی سربراہی اچ معاشی بحالی، عوام کوں ریلیف ݙیوݨ کیتے کوشش کریندی پئی اے۔ با اختیار نینگر آپݨے ٹبر اتے ملک دی خوشحالی اچ اہم کردار ادا کر سڳدن۔ اے ڳالھیں انہاں بدھ کوں پریس کانفرنس کریندیں ہوئیں آکھی۔ انہاں آکھیا جو مہانگ چار سالیں دی ڳھٹ سطح تے اے، حکومت معیشت کوں آپݨے پیراں تے کھڑاوݨ کیتے کم کریندی پئی اے۔ سارے معاشی اشاریے مثبت ہن۔ وزیراعظم شہباز شریف دی سربراہی اچ معاشی بحالی، عوام کوں ریلیف ݙیوݨ کیتے کوشش کریندی پئی اے۔ انہاں آکھیاجو پاکستان دولت مشترکہ نال رَل تے کم کریندا پئے، 2017 تئیں پاکستان اچ چین سودھے ٻئے ملک سرمایہ کاری کریندے پئے ہن، 2017 توں 2024 اچ پاکستان اچ کوئی سرمایہ کاری نی آئی جئیں دا اساکوں ٻہوں نقصان تھیے۔ حکومتی اقدامات پاروں دنیا دے سرمایہ کاری پاکستان دا رخ کریندے پئن۔ انہاں آکھیا جو دولت مشترکہ دی سیکرٹری جنرل پیٹریشیا سکاٹ لینڈ پاکستان دا دورہ کیتے، دولت مشترکہ دی سیکرٹری جنرل دا دورہ پاکستان ٻہوں کامیاب رہیے۔ انہاں آکھیا جو ایں مہینے دے چھیکڑ تئیں وزیراعظم یوتھ لون سکیم ولا شروع کیتی ویسی۔ ترائے لکھ نینگراں کوں سو ارب روپے دے قرضے ݙتے ویسن۔
.jpg)
