بھارت کوں مسئلہ کشمیر دے حل سانگے مذاکرت دی میز تے آونڑ پوسی، لیفٹیننٹ جنرل(ر) عبدالقیوم

اسلام آباد ۔30 نومبر (اے پی پی) پاکستان مسلم لیگ (ن) دے سینیٹر لیفٹیننٹ جنرل(ر) عبدالقیوم آکھیا ہے جو امن دی راہ تے چلنڑ سانگے ہک بئے داتعاون بہوں ضروری ہے۔ ریڈیو پاکستان نال گالھ مہاڑ کریندے ہوئیںانھاں آکھیا جو دنیا گلوبل ولیج بنڑ گئی ہے پیسے اتے تعلقات دی بنیاد تے کاروبار کیتے ویندے پن۔جیندی وڈ ی مثال بھارت دا افغانستان دی سر زمین کوں استعمال کریندے ہوئیں بلوچستان،کراچی اتے بئے شہراں وچ دہشتگردی کرنڑ ہے۔ انھاں مثال ڈیندے ہوئیںآکھیا جوکراچی نیول بیس یارڈ،کامرہ ائیراتے آرمی پبلک اسکول حمیاںوچ افغان شدت پسند گرفتار کیتے گئے ۔ سوچنڑدی گالھ ہے جو افغان شدت پسنداں کوں تربیت اتے پیسہ کیڑھے بندے ڈتا انہاں حملیاںدا فائدہ کیں کوں تھیا۔ جنرل(ر) عبدالقیوم آکھیاہے جو لائن آف کنٹرول، ورکنگ بائوڈری اتے مقبوضہ کشمیر وچ بھارتی جارحیت دا مطلب صرف مسئلہ کشمیر توں دنیا دی توجہ ہٹاوڑ اتے پاکستان وچ کشیدگی د ی ہوا ڈے تے دنیا دی ہمدردی حاصل کرنڑ ہے ۔ انھاں آکھیا جو بھارت دی عیاری اتے مکاری دیاں پالیسیاں نال ایکوں کڈاہیں وی کامیابی حاصل نہ ملی اتے نہ ای ملسی۔ انھاں آکھیا جو سابق آرمی چیف جنرل راحیل وی اپنڑے چھیکڑی خطاب وچ بھارت تے واضح کیتا ہے جو ا وہ اساڈی تحمل دی پالیسی کوں کمزوری نہ سمجھن اگر اوہ جارحیت توںباز نہ آیا تاں ایکوں بھاری نقصان چاونڑ پوسی۔سینیٹر عبدالقیوم آکھیا جوبھارت کوں مسئلہ کشمیر دے حل سانگے مذاکرت دی میز تے آونڑ پوسی ایندے نال ڈوہائیں ملکاںسمیت خطے وچ امن قائم تھی سگدے۔

مضمون کا ماخذ : امکان ہے کہ میگا سینا

متعلقہ مضامین