سرجیکل سٹرائیک دا توقع توں ودھ سخت جواب ݙتا ویسی ،مبصرین دی گاݙی تے فائرنگ دا اقوام متحدہ کوں فوری نوٹس گھنݨا چاہیدے ، یو اے ای دی ویزہ بندش عارضی اے، وزیر خارجہ شاہ محمودقریشی

ملتان ۔21دسمبر (اے پی پی):بھارت دے نال نال پوری دنیا کوں ݙسا ݙتے جو جے بھارت سرجیکل سٹرائیک دی کوشش کیتی تاں پاکستان دی طرفوں انھاں کوں توقع توں ودی دھ سخت جواب ݙتا ویسی ۔حضرت شاہ رکن عالم سہروردیؒ دے 707ویں عرس دے موقع تے سنوار کوں میڈیا نال ڳالھ مھاڑ کریندے ہوئیں انھاں آکھیے جو اساکوں بھارت دے سرجیکل سٹرائیک اتے پاکستان کوںکمزورکرݨ دی بھارتی کوششاں بارے انھاں دی سوچ توں ودھ معلومات ہن ۔پاکستان امن پسندملک اے اساں بے جاخون خرابہ اتے جنگ نی چاہندے لیکن اگرایجھا تھیا تاں ایندا ذمے وار بھارت ہوسی ،ایندے نال خطے دا امن خراب تھیسی ۔اقوام متحدہ دے مبصرین دی گاݙی تےلائن آف کنٹرول تے انڈیا فائرنگ دی اقوام متحدہ کوں ایندا وختی نوٹس گھنݨا چاہیدے ،ایں بارے وزیراعظم پاکستان وی واضح پیغام ݙے چکن بھارت کوں واضح پیغام اے جو آپ دیاں حرکتاں توں باز آونڄے ۔

مضمون کا ماخذ : apostas lotofácil

متعلقہ مضامین