اسلام آباد۔4اپریل (اے پی پی):اپوزیشن رہنماواں آکھیے جو اساں پاکستان اچ آئین دی عملداری چاہندوں ،سپریم کورٹ گزریل ݙینھ چاتے ڳئے اقدام دے معاملے اچ ملوث عناصر دے خلاف کارروائی کرے،خط اتے تحریک عدم اعتماد انڄ انڄ چیزاں ہن ، پاکستان دے آئین دا دفاع مسلم لیگ (ن)، پیپلزپارٹی اتے اپوزیشن دا نی بلکہ ہرپاکستانی دا فرض اے، جے اپوزیشن جماعتاں بین الاقوامی سازش داحصہ ہن تان اساکوں تختہ دار تے چڑھا ݙیو مگر جمہوریت داتسلسل برقرار رہݨاچاہیدت، نگران وزیراعظم دے مشاورتی عمل دا حصہ نہ بݨسوں ۔سنوارکوں مشترکہ پریس کانفرنس توں خطاب کریندے ہوئیں مسلم لیگ (ن) دے صدر شہباز شریف آکھیے جو گزریل ݙینھ جیڑھا کجھ تھئے پاکستان دی تاریخ اچ سیاہ ݙینھ دے طور تے یاد رکھیا ویسی ۔ آئین دی واضح خلاف ورزی کیتی ڳئی اے ۔ 24 مارچ کوں سپیکر قومی اسمبلی ایوان دی منشا دے مطابق عدم اعتماد دی تحریک کوں ایجنڈے اچ شامل کیتا۔ قومی اسمبلی داایجنڈ ھک قانونی عمل دے تحت مرتب کیتا ویندے ۔جے عدم اعتماد دی تحریک آرٹیکل 5 دےزمرے اچ آندی پئی ہئی تاں اینکوں24 مارچ دے ایجنڈے اچ کیوں شامل کیتا ڳیا۔ گزریل ݙینھ ووٹنگ دا عمل ہر صورت مکمل ہووݨ ہئی ۔ ڈپٹی سپیکر کوں ایں ساری کارروائی کیتے آلہ کار دے طورتے استعمال کیتا ڳئے۔ شہباز شریف آکھیے جو صاف ظاہر تھیندے جو سپیکر اجلاس دے آغاز تے فوری طور تے فلور وزیرقانون کوں ݙتا جنہاں ھک خط پڑھیا جیں دے بعد تحریک نمٹا ݙتی ڳئی ۔
.jpg)
