کورونا وائرس توں بچݨ کیتے عید الاضحٰی تے مویشی منڈیاں، شادیاں اتے نجی محفلاں اچ ماسک اتے سینیٹائزر دا استعمال یقینی ٻݨایا ونڄے ، وزیرِ اعظم شہباز شریف

اسلام آباد۔29جون (اے پی پی) وزیرِ اعظم شہباز شریف آکھیاجو کورونا وائرس توں بچݨ کیتے عید الاضحٰی تے مویشی منڈیاں، شادیاں اتے نجی محفلاں اچ ماسک اتے سینیٹائزر دا استعمال یقینی ٻݨایا ونڄے ۔ ہدایت کریدنیں ہوئیں انہاں آکھیا جو مکمل ویکسی نیشن، بوسٹر ڈوز، ماسک، سینیٹائزر دا استعمال اتے سماجی وتھ دا خیال رکھیا ونڄے۔ چیف سیکرٹریز صوبیاں اچ ایس او پیز تے عملدرآمد کراون۔ اے ڳالھیں انہاں بدھ کوں کورونا دی صورتحال بارے جائزہ اجلاس دی صدارت کریندیں ہوئیں آکھی۔ اجلاس اچ وفاقی وزرا عبدالقادر پٹیل، رانا ثنا اللہ، شیری رحمن، چیئرمین این ڈی ایم اے سیکٹری اطلاعات ، سیکٹری نیشنل ہیلتھ سروسز اتے متعلقہ اعلی افسر شریک تھیے۔ اجلاس اچ چاریں صوبے، آزادکشمیر، اتے گلگت بلتستان دے چیف سیکرٹریز ویڈیو لنک توں شریک تھیے۔ اجلاس کوں پاکستان سودھی عالمی سطح تے کورونا دی اڄوکی صورتحال بارے تفصیلی ݙسیا ڳیا۔

مضمون کا ماخذ : کنگ کانگ روش

متعلقہ مضامین