جمعہ دے موقع تے مذہبی جہیں کوں بھرپورسکیورٹی ݙتی ڳئی اے،ڈاکٹر عثمان انور

لاہور۔15مارچ (اے پی پی) آئی جی پنجاب ڈاکٹر عثمان انور آکھیے رمضان المبارک دے پہلے جمعہ دے موقع تےلاہور سودھے صوبہ دی ساریاں 36 ہزار توں ودھ مسیتاں ، 2179 امام بارگاہ، 444 اقلیتی عبادت گاہواں کوں بھرپورسکیورٹی ݙتی ویندی پئی اے ۔۔ ھک بیان اچ انہاں آکھیے مسیتاں ، امام بارگاہواں تے مذہبی جاہواں دی سکیورٹی تے 74 ہزار توں ودھ پولیس افسران، اہلکار اتے کمیونٹی رضا کار تعینات ہن،گزریل رمضان دی سکیورٹی ایس او پیز توں ودھ بہترسکیورٹی پلان تشکیل ݙتا ڳئے ۔ آئی جی پنجاب آکھیے حساس مسیتاں، امام بارگاہواں دی سکیورٹی تے 200 سی زائد واک تھرو گیٹ، 12 ہزار توں ودھ میٹل ڈٹیکٹرز استعمال کیتے ڳئن مسیتاں تے ، امام بارگاہواں، عبادت گاہواں اتے مذہبی جہیں دے آسے پاسے سرچ آپریشنز اتے پٹرولنگ ودھا ݙتی ڳئی اے۔سیف سٹی کیمریں دی مدد نال سکیورٹی انتظامات تے سرگرمیاں دی مسلسل مانیٹرنگ کیتی ویندی پئی اے ۔

مضمون کا ماخذ : پاور بال انعامات

متعلقہ مضامین