اسلام آباد۔31جولائی (اے پی پی) وفاقی وزیر برائے منصوبہ بندی ترقی تےاصلاحات وخصوصی اقدامات احسن اقبال آکھیا جو دنیا اچ ہر کامیاب ملک امن، استحکام، پالیسیاں دے تسلسل اتے مسلسل اصلاحات نال ترقی کیتی اے۔ اے ڳالھیں انہاں بدھ کوں انسٹی ٹیوٹ آف ریجنل سٹڈیز دے سیمینار سی پیک – امکانات اتے چیلنجز اچ خصوصی خطاب کریندیں ہوئیں آکھی۔ انہاں آکھیا جو سی پیک بارے پاک چین جوائنٹ کوآپریشن کمیٹی دے 13 اچوں 10 اجلاس میݙی صدارت اچ تھین، تاریخ گواہ اے جو ست ݙھاکیاں دی پاک چین دوستی پکی تھیندی ویندی اے۔ انہاں آکھیا جو 2013 اچ پاکستان اچ 16 توں 28 گھنٹے لوڈشیڈنگ تھیندی ہئی۔ 2013 اچ پاکستان اچ شدید معاشی بحران ہئی بجلی دی ٻہوں قلت ہئی، خودکش دھماکے تھیندے ہن، پاکستان دے آپݨے سرمایہ کار ملک اچ انوسٹ کرݨ توں ݙردے ہن، پاکستان توانائی پالیسی دا اعلان کریندیں ہوئیں بین الاقوامی سرمایہ کاراں کوں بجلی ٻݨاوݨ دے منصوبے لاوݨ دی درخواست کیتی۔ اساں 2013 اچ حکومت اچ آئے، سی پیک تے دستخط تھیے اتے اگست 2013 چ جے سی سی دا پہلا اجلاس تھیا، چین پاکستان اچ غیر ملکی سرمایہ کاری کرݨ آلا ساریاں توں وݙا ملک ٻݨ ڳئیا۔ 2015 اچ صدر شی جن پنگ پاکستان دا دورہ کیتا اتے 42 بلین ڈالر دی سرمایہ کاری تے دستخط تھیے۔ 2013 توں 2015 وچال 2.3 ملین ملازمتاں دے مواقع پیدا تھیے۔ انہاں آکھیا جو دنیا اچ ہر کامیاب ملک امن، استحکام، پالیسیاں دے تسلسل اتے مسلسل اصلاحات نال ترقی کیتی اے۔
.jpg)
