ملک اچ ودھ درجہ حرارت دی لہر، قومی ادارہ صحت دی ہیٹ/ سن سٹروک متعلق ہدایت جاری

اسلام آباد۔16مئی (اے پی پی) ملک دیاں وکھو وکھ جہیں تے درجہ حرارت ودھݨ دی اڄوکی لہر دے تناظر اچ قومی ادارہ صحت ہیٹ/ سن سٹروک متعلق ہدایت جاری کرݙتی اے ، اے ایڈوائزری ہیٹ/ سن سٹروک کوں روکݨ دے حوالے نال وختی تے مناسب اقدامات کیتے صحت دے متعلق اداریں کوں جاری کیتی ڳئی اے ۔ایڈوائزری دے مطابق ہیٹ سٹروک ھک ایجھی طبی حالت اے جیں دا وختی مناسب علاج نہ کیتا ونڄے تاں اے جان لیوا ثابت تھی سڳدی اے ، ایندی علامات اچ تتی تے رکھی جلد ، کمزوری یا سستی، بخار، سردرد، اتے دل دی دھڑکن دا تکھا تھیوݨ شامل اے۔ ہیٹ سٹروک دا وختی مناسب طریقے توں علاج نہ کیتا ونڄے تاں اے موت دا سبب بݨ سڳدے یا اعضاء کوں ضیان پڄا سڳدے یا معذوری دا سبب بݨ سڳدے ۔شیر خوار، 65 سال توں ودھ عمر دے لوکاں ، ذیابیطس اتے ہائی بلڈ پریشر دے مریض، ایتھلیٹس اتے آؤٹ ڈور کم کرݨ آلے ورکرز کوں ہیٹ سٹروک دا زیادہ خطرہ ہوندے ۔ایڈوائزری اچ کجھ احتیاطی تدابیر تے زور ݙتا ڳئے جنہاں اچ زیادہ پاݨی پیوݨ،گرم مرطوب موسم اچ یا زیادہ درجہ حرارت آلی جاہواں تے براہ راست سجھ دی روشنی اچ نہ ونڄݨ،گرم موسم اچ سر تے ٹوپی پاوݨ ہلکے رنگ دے ڈھلے کپڑے پاوݨ شامل اے۔ ۔مزید معلومات کیتے اے ایڈوائزری قومی ادارہ صحت دی ویب سائیٹ (www.nih.org.pk) تے موجود اے ۔

مضمون کا ماخذ : الوہا کلسٹر ادائیگی کرتا ہے۔

متعلقہ مضامین