پاکستان اتے سربیا وچال تجارت کوں ودھاوݨ دی لوڑھ اے، صدر ڈاکٹر عارف علوی دی نامزد سفیر علی حیدر الطاف نال ڳالھ مہاڑ

اسلام آباد۔15نومبر (اے پی پی) صدر مملکت ڈاکٹر عارف علوی آکھیا جو پاکستان اتے سربیا وچال تجارت کوں ودھاوݨ دی لوڑھ اے۔ ایوانِ صدر دے پریس ونگ دے مطابق اے ڳالھیں انہاں سربیا اچ پاکستان دے نامزد سفیر علی حیدر الطاف نال ڳالھ مہاڑ کریندیں ہوئیں آکھی جنہاں منگل کوں ایوان صدر اچ انہاں نال ملاقات کیتی۔ صدرمملکت آکھیا جو پاکستان اتے سربیا وچال تجارتی اتے اقتصادی تعاون دے امکانات توں فائدہ چاوݨا چاہیدے۔ ݙوہیں ملکاں وچال تجارتی سرگرمیاں کوں ودھاوݨ دی لوڑھ اے۔ انہاں آکھیا جو نامزد سفیر کاروباری تے تجارتی رابطے ٻݨاوݨ اتے ݙوہیں ملکاں دے چیمبرز آف کامرس وچال تعاون ودھاوݨ دی کوشش کرن۔ صدر مملکت علی حیدر الطاف کوں سربیا اچ پاکستان دے نامزد سفیر دے طور تقرری تے مبارخ ݙتی۔

مضمون کا ماخذ : سشی ایکسپریس

متعلقہ مضامین