وفاقی وزیر آئی ٹی سید امین الحق دی قیادت اچ وفد دی گلوبل سسٹمز فار موبائل کمیونیکیشنزایسوسی ایشن ایشیاء پیسیفک دے سربراہ نال ملاقات

اسلام آباد۔2مارچ(اے پی پی) وفاقی وزیرانفارمیشن ٹیکنالوجی و ٹیلی کمیونیکیشن سید امین الحق دی قیادت اچ وفد گلوبل سسٹمز فار موبائل کمیونیکیشنزایسوسی ایشن (جی ایس ایم اے) ایشیاء پیسیفک دے سربراہ جولیئن گورمین تے انہاں دی ٹیم دے نال بارسلونا موبائل ورلڈ کانگریس اچ اہم ملاقات تھئی ۔ملاقات دا مقصد ݙو پاسے تعاون ودھاوݨ تے سال 2023 کیتے ڈیجیٹل پالیسیاں اچ سانجھے اشتراک و حکمت عملی تے ڳالھ مہاڑ کرݨ ہئی ۔ملاقات اچ وفاقی وزیر سید امین الحق ݙسایا جو ملک اچ ڈیجیٹل نیٹ ورک دی توسیع کیتے ھک پاسے پسماندہ اتے پرے دے علاقیں اچ براڈ بینڈ سروسز دے ٻہوں سارے منصوبے زیر تکمیل ہن تاں ݙوجھے پاسوں ٹیلی کام آپریٹرز دے آپریشنل خرچے گھٹاوݨ کیتے وزارت آئی ٹی دی اسپیکٹرم و انفرااسٹرکچر شیئرنگ فریم ورک چھیکڑی مرحلے اچ داخل تھی چکی اے ۔جی ایس ایم اے وفد ٹیلی کام سیکٹر کیتے وزارت آئی ٹی دے اقدامات اتے پالیسیاں دی تعریف کریندے ہوئیں مستقبل اچ آپݨے ہر ممکن تعاون دا یقین ݙیوایا ۔ملاقات اچ ممبرانٹرنیشنل کوآرڈینیشن اجمل اعوان، چیف ایگزیکٹیو یونیورسل سروس فنڈ حارث محمود چوہدری، ڈائریکٹر جنرل وائرلیس جہانزیب رحیم، جی ایس ایم اے دی ہیڈ آف پبلک پالیسی جینٹ وائٹ، کنٹری ہیڈ سائرہ فیصل شریک ہن ۔

مضمون کا ماخذ : رومن دولت

متعلقہ مضامین