شفاف انتخابات دا انعقاد نگران حکومت دی ذمہ داری ہے،انتخابات 25جولائی کو ں ہی تھیسن ، نگران وفاقی وزیر اطلاعات بیرسٹر سید علی ظفر دا نیشنل لائبریری اچ ورکشاپ نال خطاب

APP01-10 ISLAMABAD: July 10 Federal Minister of Law and Justice Syed Ali Zafar addressing during a seminar during a consultation on Minority Rights, Freedom of Religion or Belief Faith for Rights. APP photo by Irshad Sheikh

اسلام آباد ۔ 10 جولائی (اے پی پی) نگران وفا قی وزیر اطلاعات بیرسٹر سید علی ظفر آکھیے جو شفاف انتخابات کراونڑ نگران حکومت دی ذمے واری ہے ،کہیں وی فیصلے دا اثر عام انتخابات تے کائناں تھیسی تے انتخابات 25جولائی کو ں ہی تھیسن ، حکومت کہیں دے خلاف کوئی کارروائی کائنی کریندی پئی ، عدالتی احکامات تے عملدرآمد اساڈی آئینی ذمہ داری ہے، لائبریریاں علم دا خزانہ ہن، لائبریری نویں علم سکھنڑ سانگے سازگار ماحول فراہم کریندیاں ہن ،نویں نسل کوں لائبریری دے پاسے راغب کرنڑ سانگے اقدامات کرنڑیں ہوسن ۔ان خیالاں دا اظہار انہاں منگل کوں نیشنل لائبریری اچ ہک ڈینھ دی ورکشاپ نال خطاب تے میڈیا نال گال مہاڑ کریندے ہوئیں کیتا ۔ نگران وزیر اطلاعات و نشریات میڈیا نال گال مہاڑ کریندے ہوئیں آکھیا جو عام انتخابات 25 جولائی کوں ہی تھیسن انہاں اچ کوئی قسم دی کوئی تاخیر کائناں تھیسی ۔انہاں آکھیا جو عدالتی فیصلے تے عمل تھیندے ،ایندے اچ اپیلاں ہوندین جیں کوںقانون دے مطابق نبیڑیا ویندے۔ اساں غیر جانبدار ہوں تے کہیں سیاست اچ پئے بغیر حکومتی امور سرانجام ڈیندے پیوں ۔ انہاں آکھیا جوحکومت کہیں دے خلاف کوئی کاروائی کائنی کریندی پئی ، عدالتی حکم تے عملدرآمد کراونڑ اساڈی ذمے واری ہے ۔انہاں آکھیانواز شریف دے ریفرنس دا فیصلہ الیکشن توں پہلے آئے ، ایں فیصلے تے عمل درآمد کراونڑ حکومت دا کم اے ،اگر کہیں کوں فیصلے دے خلاف شکایت ہے تاں او ہائی کورٹ اتے سپریم کورٹ ونج سگدے ۔ انہاں آکھیا جونواز شریف عدالتاں اچ ضرور پیش تھیندے پن تے او گرفتاری ڈیونڑ سانگے لاہور آندے پن ، ایں ضمن اچ جیں طرح دی وی معاونت یا سہولت درکار ہوسی او پنجاب کوں فراہم کریسی ایندے نال انتخابات تے کوئی اثر کائناں تھیسی۔ انہاں آکھیا جو الیکشن کمیشن دے نال رل تے پر امن انتخابات داانعقاد وفاقی اتے صوبائی نگران حکومتاں دی ذمے واری ہے ،کہیں وی سیاسی جماعت کوں سکیورٹی خطرات ہوسن تاں انہاں کوں سیکورٹی ڈتی ویسی ۔ ایندے توں پہلے انہاں گلوبل وژن برائے لائبریریز متعلق ورکشاپ نال خطاب کریندے ہوئیں انہاں آکھیا جو لائبریریاں علم دا خزانہ ہن، کوئی وی تحقیق لائبریری دے بغیر مکمل کائنی تھی سگدی ، لائبریری تعلیمی شعبے دا اہم حصہ ہے۔ نگران وزیر اطلاعات علی ظفر آکھیا جولائبریری دے بغیر تعلیمی شعبے دے اہداف دا حصول نا ممکن ہے جیں طرح تعلیمی شعبے سانگے ودھ فنڈز دی ضرورت اے ایں طرح لائبریریاں کوں وی فنڈز ڈتے ونجن ۔

مضمون کا ماخذ : عمومی کلیدی الفاظ

متعلقہ مضامین