ایں سال شاندار فصل پاروں کپاہ اتے کھنݙ نہ درآمد کرݨی پوسی، نویں 10 ݙیم ٻݨݨ نال 10 ہزار میگا واٹ سستی بجلی اتے آبپاشی کیتے 13 ملین کیوبک فٹ پاݨی ملسی، وزیر مملکت اطلاعات و نشریات فرخ حبیب
APP06-121221
FAISALABAD: December 12 Minister of State for Information & Broadcasting Farrukh Habib addressing during visit to Qasar-e- Behbood. APP photo by Tasawar Abbas
فیصل آباد۔12دسمبر(اے پی پی)وزیر مملکت اطلاعات و نشریات فرخ حبیب آکھیے جو حکومت ملک دی زرعی، صنعتی، کاروباری، برآمدی، معاشی و اقتصادی ترقی کیتے کوشاں اے، ایں سانڳے سارے وسائل لیندے پئے ہیں، تہوں ایں سال شاندار فصل پاروں کپاہ اتے کھنݙ نہ درآمد کرݨی پوسی، نویں 10 ݙیم ٻݨݨ نال 10 ہزار میگا واٹ سستی بجلی اتے آبپاشی کیتے 13 ملین کیوبک فٹ پاݨی ملسی، برآمدات وی 34 فیصد ودھ ڳین جیڑھیاں روز ودھدیاں پین، نومبر 2021 اچ پاکستان دی تاریخ دی سب توں ودھ 2.9 ارب ڈالر دی برآمدات ریکارڈ تھین جیڑھیاں پچھلے سال 2020 دے ایں مہینے اچ برآمدات توں 34 فیصد اتے نومبر 2018 دی برآمدات توں 47 فیصد ودھ ہین۔ اے ڳالھ انہاں فیصل آباد اچ ایوان صنعت و تجارت اچ تاجر برادری نال خطاب اچ آکھی۔ انہاں آکھیا جو ایل این جی دا ملھ ودھدا پئے، ایندے اچ امپورٹڈ گیس ودھ ڳھدی آندے ہیں، ساݙا روس نال پائپ لائن تے کم تھیندا پئے، موجودہ ٹرمینل کوں روزانہ 10 کروڑ کرایہ ݙتا ویندا جیڑھا ہک سال اچ 36 ارب روپیہ ٻمدے، ایویں گیس اچ وی 500 ارب دا سرکلر ڈیٹ تھی چکیے، 3000 ارب قرضں دی مد اچ اتے 3400 ارب روپیہ صوبیاں کولو لڳا ویندے اتے وفاق منفی توں اپݨے خرچے شروع کریندے تہوں ساݙا خسارہ 4 ارب تئیں پڄ ویندے۔
.jpg)