وائس ایڈمرل نوید اشرف پاک بحریہ دے نویں سربراہ مقرر

اسلام آباد۔3اکتوبر(اے پی پی)وائس ایڈمرل نوید اشرف پاک بحریہ دے نویں سربراہ مقرر کرݙتے ڳئن۔ترجمان پاک بحریہ موجب تبدیلی کمانڈ دی پر وقار تقریب 7 اکتوبر 2023 کوں اسلام آباد اچ تھیسی ۔وائس ایڈمرل نوید اشرف کوں 7 اکتوبر 2023 کوں ایڈمرل دے عہدے تے ترقی ݙتی ویسی ۔وائس ایڈمرل نوید اشرف ایں ویلھے نیول ہیدکوارٹرز اچ چیف آف اسٹاف دے فرائض سرانجام ݙیندے پئن ۔ انہاں 1989 اچ پاک بحریہ دی آپریشنز برانچ اچ کمیشن حاصل کیتا۔وائس ایڈمرل نویداشرف نیشنل ڈیفنس یونیورسٹی اسلام آباد ،امریکی نیول وارکالج اتے برطانیہ دےرائل کالج آف ڈیفنس سٹڈیز توں فارغ التحصیل ہن ۔نامزد نیول چیف نوید اشرف اہم کمان اتے سٹاف عہدیں تے کم کرݨ دا ٻہوں تجربہ رکھیندن ۔او کمانڈر پاکستان فلیٹ اتے کمانڈنٹ پاکستان نیول اکیڈمی دے فرائض وی سرانجام ݙے چکن ۔وائس ایڈمرل نوید اشرف ڈپٹی چیف آف نیول سٹاف آپریشنز ،ڈپٹی چیف آف نیول سٹاف ٹریننگ اینڈ پرسانل ،ڈپٹی چیف آف نیول سٹاف ایڈمن اتے ڈپٹی پریذیڈنٹ نیشنل ڈیفنس یونیورسٹی دےعہدیں تے فائز رہ چکئن۔ غیر معمولی پیشہ ورانہ خدمات تے بہادری دے اعتراف اچ انہاں کوں ہلال امتیاز ملٹری تے تمغہ بسالت نال نوازیا ڳئے۔

مضمون کا ماخذ : ٹمپل ٹمبل

متعلقہ مضامین