وزیراعلی عثمان بزدار دیا ڳواݨی اچ اعلی سطح اجلاس، سالانہ ترقیاتی پروگرام دے منصوبیاں دی اڳونہی دا جائزہ

لاہور۔28اکتوبر(اے پی پی)وزیراعلی پنجاب سردار عثمان بزدار دی اڳواݨی اچ اعلی سطح اجلاس تھئے جیندے اچ سالانہ ترقیاتی پروگرام دے منصوبیاں دی اڳونہی دا جائزہ ڳھدا ڳئے۔ وزیراعلی عثمان بزدار آکھیے جو پی ٹی آئی حکومت کوں پنجاب دی تاریخ دا سب توں وݙا ڈویلپمنٹ بجٹ پیش کرݨ دا اعزاز اے، پنجاب اچ پی ایس ڈی پی اتے اے ڈی پی دا مجموعی حجم ریکارڈ 740 ارب روپے تئیں پڄ ڳئے، 560ارب روپے دے سالانہ ترقیاتی پروگرام دے تحت صوبے اچ منصوبیاں تے کم شروع تھی چکیے، سالانہ ترقیاتی پروگرام دے تحت 98 فیصد سکیماں منظور تھی چکین۔ انہاں آکھیے جو 10 سال اچ پہلی واری 96 فیصد ترقیاتی فنڈز دے استعمال دا ریکارڈ ٻݨاعے، پنشن سسٹم، ہیومن ریسورس مینجمنٹ اتے پراپرٹی ٹیکس اچ وݙیاں اصلاحات کریندے پئے ہیں۔ اجلاس اچ صوبائی وزیر خزانہ ہاشم جواں بخت، چیئرمین منصوبہ بندی و ترقیات، سیکرٹری تعمیرات و مواصلات، سیکرٹری خزانہ، سپیشل مانیٹرنگ یونٹ دے سربراہ اتے متعلقہ حکام شرکت کیتی۔

مضمون کا ماخذ : لوٹیریا کا اطلاق

متعلقہ مضامین