سیکورٹی فورسز ہرنائی اچ دہشت گرداں دے سکیورٹی فورسز دی چیک پوسٹ تے حملے کوں کامیابی نال بھن ونڄا ݙتے،آئی ایس پی آر

راولپنڈی۔14اگست (اے پی پی):بلوچستان دے علاقے ہرنائی اچ دہشت گرداں سکیورٹی فورسز دی چیک پوسٹ تے حملہ کیتے،سیکیورٹی فورسز کامیابی نال دہشت گرداں دے حملے کوں بھن ونڄا ݙتے ۔آئی ایس پی آر توں جاری بیان موجب بلوچستان دے علاقے ہرنائی اچ دہشت گرداں سکیورٹی فورسز دی چیک پوسٹ تے حملہ کیتے،سیکیورٹی فورسز کامیابی نال دہشت گرداں دے حملے کوں بھن ونڄا ݙتے ،بھڄدے ہوئے دہشت گرداں دا نیڑے پہاڑاں اچ تعاقب کیتا ڳئے ،بھڄدے دہشت گرداں دے نیڑے گھیرا پاوݨ ویلھے فائرنگ دا تبادلہ تھئے ، جھڑپ اچ ݙو جوان نائیک عاطف اتے سپاہی قیوم شہید تھی ڳئن۔دہشت گرداں دا مقابلہ کریندے ہوئیں میجر عامر زخمی تھی ڳئن۔ آئی ایس پی آر آکھیے جو وطن دے 75 ویں یوم آزادی دے موقع تے سکیورٹی فورسز قوم دے رلے کھڑی اے ،سکیورٹی فورسز بلوچستان دے امن،استحکام،ترقی کوں ضیان پڄاوݨ آلیں کوں ناکام بݨاوݨ کیتے پرعزم اے ۔

مضمون کا ماخذ : مصری ڈریمز ڈیلکس

متعلقہ مضامین