اسلام آباد۔26اپریل (اے پی پی):وزیر اعظم شہباز شریف دی ح??وم?? سروس ڈیلیوری دی اپݨی ساکھ کوں برقرار رکھیندے ہوئیں آپݨے پہلے سال اچ 3000 میگاواٹ توں ودھ بجلی نیشنل گرڈ اچ شامل کیتی ۔ وزیراعظم 11 اپریل 2022 کوں عہدہ سنبھالݨ دے بعد توں پاکستان کوں توانائی دے شعبہ اچ خود انحصاری دے رستے تے گامزن کرݨ کیتے آپݨی ذمے واری پوری کریندے ہوئیں وݙی پیشرفت کیتی اے ۔ دستیاب اعدادوشمار موجب انہاں گزریل ھک سال اچ پنج اہم بجلی گھراں دا افتتاح کیتا جیں توں ملک دی توانائی دی ودھدی ہوئی ضرورتاں کوں پورا کرݨ دی ??اوش اچ 3150 میگاواٹ توانائی نیشنل گرڈ اچ شامل کیتی ڳئی اے امر واضح ہے جو انھالے اچ پاکستان دی توانائی دی ضروریات اچ خاطر خواہ ودھارا تھیندے تے طلب اتے رسد دا فرق ہزاراں میگاواٹ تئیں ودھ ویندے ۔ وزارت توانائی دے اعدادوشمار موجب گزریل ھک سال اگست اچ بجلی دی رسد 20500 میگاواٹ دے مقابلے اچ طلب 28 ہزار میگاواٹ تئیں پڄ ڳئی ہئی لہٰذا موجودہ ح??وم?? گرمیاں اچ بجلی دے بحران کوں روکݨ کی??ے کولیں جیہے توانائی دےمقامی وسائل دی ترقی تے توجہ ݙیندی پئی اے ۔ وزیراعظم گزریل مہینے اچ سندھ دے اپݨے دوریں دے دوران تھرپارکر اچ کولیں تے مبنی 1980 میگاواٹ دے ترائے پاور پراجیکٹس دا افتتاح کیتا۔ اے منصوبے چین۔ پاکستان اقتصادی راہداری (سی پیک) منصوبے دے تحت چین دے تعاون نال مکمل کیتے ڳئن ۔انہاں منصوبیں اچ تھر انرجی دا 330 میگاواٹ دا پاور پلانٹ، مٹھی اچ 330 میگاواٹ دا تھل نووا پاور پلانٹ اتے تھر اچ 1320 میگاواٹ دا شنگھائی الیکٹرک پاور پلانٹ شامل ہن ۔ کولیں توں چلݨ آلے پاور پلانٹس ہر سال تقریباً 15 ارب یونٹ گھٹ لاڳت دی بجلی پیدا کریسن ۔ ح??وم?? تھر دے 175 بلین ٹن کولیں دے ذخائر توں مستفید تھیوݨ دی خواہشمند اے اتے ماہرین توانائی دے مطابق جے انہاں ذخائر کوں صحیح طریقے نال استعمال کیتا ونڄے تاں اے اڳلے 300 سال تئیں ملک دی بجلی دی ضرورتاں کوں پورا کرݨ کی??ے کافی ہوسن ۔ اڄوکے سال فروری اچ وزیراعظم کراچی نیوکلیئر پاور پلانٹ دے تریجھے یونٹ کے۔ تھری دا وی افتتاح کیتا جیڑھا جو 1,100 میگاواٹ بجلی پیدا کریسی ۔ ماہرین آکھیے پاکستان اچ 60,000 میگاواٹ دی غیر استعمال شدہ پن بجلی دی صلاحیت موجود اے۔ پن بجلی دی پیداوار دے پاسے پیش قدمی کریندے ہوئیں دسمبر 2022 اچ وزیر اعظم منگلا پاور اسٹیشن دے ݙو تجدید شدہ یونٹاں دا افتتاح کیتا۔ انہاں یونٹس کوں امریکی ادارہ بین الاقوامی ترقی (یوایس ایڈ) دی مالی معاونت نال اپ گریڈ کیتا ڳئے جیں توں ٹرانسمیشن سسٹم اچ 70 میگاواٹ بجلی دا ودھارا تھئے ۔ شہباز شریف ح??وم?? پہلے ہی چینی کمپنیاں دا تعاون اتے سرمایہ کاری حاصل کریندے ہوئیں پاکستان اچ انہاں ݙو وݙے ہائیڈرو پراجیکٹس دی تعمیر وچ مصروف اے تاں جو گھٹ لاڳت اتے پائیدار توانائی توں بجلی دی قلت تے قابو پاوݨ اچ مدد مل سڳے ۔
