عام انتخابات صاف شفاف تھیسن ، انتخاباتی ماحول اچ الزامات معمول دی ڳالھ اے ،نگران وزیراعظم انوار الحق کاکڑ

کوئٹہ۔19دسمبر (اے پی پی) نگران وزیراعظم انوار الحق کاکڑ ہک واری ولا یقین ݙوائے جو عام انتخابات صاف شفاف تھیسن ، انتخاباتی ماحول اچ الزامات معمول دی ڳالھ اے۔ سیاسی جماعتاں دے دعویاں دا فیصلہ انتخابات اچ عوام آپݨے ووٹ نال کریسن۔ قوم پرست جماعتاں آپݨے زاویے نال نی حقیقت دی نظر نال چیزاں کوں ݙیکھن۔ بلوچستان اچ پیسے ڳھن تے کیتی ڳئی بھرتیاں منسوخ کر ݙتن۔ بلوچستان دی عوام کوں ’’وکٹم کارڈ‘‘توں نکل تے اڳوں ودھݨ اتے آپݨے ٻالاں کوں محنت اتے ہنر آلے پاسے ٹورݨا پوسی۔ گورننس کوں بہتر ٻݨاوݨ کیتے بلوچستان کوں بہترین افسر فراہم کیتن۔ او منگل کوں میڈیا دے نمائندیاں نال ڳالھ مہاڑ کریندے پئے ہن۔ ایں موقع تے نگران وزیراعلیٰ میر علی مردان خان ڈومکی اتے وفا??ی نگران وزیراطلاعات ونشریات مرتضیٰ سولنگی وی موجود ہن۔ بلوچستان اچ انتخابات اچ سکیورٹی دی صورتحال بارے ہک سوال دے ولدے ??چ نگران وزیراعظم امید کیتی جو سکیورٹی دی صورتحال ٹھیک تھی ویسی۔ الیکشن کمیشن عام انتخابات کریسی۔ عام انتخابات صاف شفاف تھیسن ، انتخاباتی ماحول اچ الزامات معمول دی ڳالھ اے۔

مضمون کا ماخذ : جیک اور بین اسٹالک

متعلقہ مضامین