سي پيڪ تحت سکي ڪناري پن بجلي منصوبو پڄاڻي جي ويجهو، قومي گرڊ ۾ 844 ميگاواٽ بجلي شامل ٿيندي: وانگ هوئي هوا

اسلام آباد- 09 جولاءِ (اي پي پي) چين پاڪستان اقتصادي راهداري منصوبي (سي پيڪ) تحت سکي ڪناري پن بجلي منصوبو پڄاڻي جي آخري مرحلي ۾ آهي جنهن مان قومي گرڊ ۾ 844 ميگاواٽ بجلي شامل ٿيندي. اڱاري ڏينهن چائنا انرجي انٽرنيشنل گروپ لميٽيڊ پاڪستان برانچ جي مينيجنگ ڊائريڪٽر ۽ چائنا چيمبر آف ڪامرس ان پاڪستان جي چيئرمين وانگ هوئي هوا ”اي پي پي“ سان خصوصي ڳالهه ٻولهه ڪندي چيو ته 2013ع ۾ تعمير جي شروعات کان پوءِ سي پيڪ نمايان ڪاميابيون حاصل ڪيون آهن، سي پيڪ فريم ورڪ تحت منصوبن ۾ شامل 1.9 ارب ڊالر ماليت جو 844 ميگاواٽ پيداواري صلاحيت رکندڙ سکي ڪناري هائيڊرو پاور پراجيڪٽ پڄاڻي جي آخري مرحلي ۾ آهي، انرجي چائنا پاڪستان ۾ وڌيڪ سيڙپڪاري ڪرڻ لاءِ ترجيحي بنيادن تي قدم کڻي رهي آهي. هن چيو ته هن وقت تائين سي پيڪ تحت پاڪستان لاءِ مجموعي طور تي 25.4 بلين ڊالر جي سڌي سنئين سيڙپڪاري آئي آهي. 236،000 نوڪريون پيدا ٿيون، 510 ڪلوميٽر شاهراهون، 8 هزار ميگاواٽ کان وڌيڪ بجلي ۽ 886 ڪلوميٽر نيشنل ڪور ٽرانسميشن گرڊ جو اضافو ٿيو آهي. هن چيو ته گوادر بندرگاهه، اچ وڃ جي بنيادي ڍانچي، توانائي ۽ صنعت تي ڌيان ڏيندي شروعاتي تعاون جي ترتيب کان وٺي ترقي، ماڻهن جي روزگار جي ذريعي، جدت، ماحول دوست ۽ سي پيڪ جي اپ گريڊ ورزن تائين چين پاڪستان اقتصادي راهداري مستقبل ۾ پاڪستان لاءِ يقينن وڌيڪ وسيع تر ترقي جا موقعا فراهم ڪندي. هن چيو ته هي منصوبو پاڪستان جي توانائي جي تحفظ ۽ اقتصادي ترقي ۾ اهم ڪردار ادا ڪري ٿو. هن چيو ته محنتي انجنيئرز ۽ سرشار ڪارڪنن کان وٺي اسان جي قابل قدر حصيدارن ۽ مددگارن تائين اوهان جي اجتماعي شراڪت انمول رهي آهي. هي ٽرانسميشن لائن هڪ فني ڪاميابي کان وڌيڪ آهي، هي ترقي جي علامت آهي ۽ هڪ لچڪدار ۽ اعتماد جوڳي توانائي جي نيٽ ورڪ جي تعمير جي اسان جي عزم جو ثبوت آهي. هن چيو ته مون کي يقين آهي ته 500 ڪي وي ڊبل سرڪٽ ڪواڊ بنڊل ٽرانسميشن لائن اسان جي نيشنل گرڊ جي صلاحيت کي وڌائڻ، نيلم جهلم ۽ 844 ميگاواٽ جي سکي ڪناري پراجيڪٽ کي جوڙي بجلي جي مستحڪم ۽ موثر فراهمي کي يقيني بڻائڻ ۾ اهم ڪردار ادا ڪندي. ٽرانسميشن جي نقصانن کي نمايان طور تي گهٽ ڪري ۽ گرڊ جي استحڪام کي سگهه ڏئي اسان بجلي جي وڌيڪ اعتماد جوڳي فراهمي کي يقيني بڻائي رهيا آهيون. هي پروجيڪٽ گرڊ انفرا اسٽرڪچر کي بهتر بڻائڻ لاءِ اسان جي حڪمت عملي جو سنگ بنياد آهي، جيڪو لکين ماڻهن جي زندگي جي معيار کي سڌو سنئون متاثر ڪري ٿو ۽ ضروري خدمتن جي مسلسل آپريشن ۾ مدد ڪري ٿو. هن چيو ته هڪ مضبوط ۽ قابل اعتماد توانائي جي فراهمي معاشي ترقي جي ڪرنگهي جي هڏي آهي. هي ٽرانسميشن لائن سي پيڪ صنعتي زونز، خصوصي اقتصادي زونز ۽ شهري مرڪزن جي مدد ڪندي. جيڪا سيڙپڪاري ۽ ترقي لاءِ سازگار ماحول پيدا ڪندي. بجلي جي ڪارخانن، ڪاروبار ۽ گهرن کي گهربل توانائي فراهم ڪري اسان پائيدار اقتصادي ترقي جي بنياد رکي رهيا آهيون. اعتماد جوڳي توانائي جو بنيادي ڍانچو مقامي ۽ پرڏيهي سيڙپڪارن کي متوجهه ڪري ٿو، روزگار جي تخليق ۽ معاشي تنوع کي هٿي ڏي ٿو. هن چيو ته سي پيڪ تحت چيني ڪمپنين سان تعاون ٽيڪنالاجي ۽ مهارت جي منتقلي، مقامي صلاحيت کي وڌائڻ ۽ جديد توانائي جي بنيادي ڍانچي کي هلائڻ جي اسان جي صلاحيت کي وڌايو آهي. هن چيو ته آئون پاڪستان جي توانائي جي شعبي جي ترقي لاءِ چائنا انرجي انجنيئرنگ ڪارپوريشن (سي اي اي سي) جي اڻٽر عزم تي به زور ڀريان ٿو. سي اي اي سي توانائي جي ڪفالت جي سفر ۾ هڪ اهم حصيدار رهيو آهي، ڪيترن ئي منصوبن ۾ مهارت، ٽيڪنالاجي ۽ سيڙپڪاري فراهم ڪري ٿو. هن چيو ته سي اي اي سي تجديد جوڳي ۽ پائيدار توانائي طرف ان جي منتقلي ۾ پاڪستان جي مدد ڪرڻ لاءِ به پرعزم آهي. ايندڙ مرحلي ۾ سکي ڪناري هائيڊرو پاور پراجيڪٽ، آزاد پتڻ ۽ ٻين تجديد جوڳي توانائي جي قدمن جهڙن منصوبن ۾ سيڙپڪاري ڪري سي اي اي سي پاڪستان کي پنهنجي ڪاربان فوٽ پرنٽ کي گهٽ ڪرڻ، صاف توانائي جي طاقت کي استعمال ۾ آڻڻ ۽ ڊگهي مدي واري توانائي جي پائيداري حاصل ڪرڻ ۾ مدد ڪري رهيو آهي. هن چيو ته اسان کي يقين آهي ته پاڪستان پنهنجي توانائي جي چئلينجن تي ضابطو آڻيندو ۽ مضبوط، وڌيڪ لچڪيدار ۽ وڌيڪ پائيدار اڀرندو. اوهان جي لگن ۽ حمايت تي اوهان سڀني جو شڪريو ادا ڪريان ٿو، اسان گڏجي پاڪستان جي روشن مستقبل جي راهه روشن ڪري رهيا آهيون. ان موقعي تي سي پيڪ جو اڳوڻو پراجيڪٽ ڊائريڪٽر ۽ انرجي چائنا پاڪستان جو سينئر صلاحڪار ڊاڪٽر حسان دائود بٽ ۽ سکي هائيڊرو پراجيڪٽ جو ڊائريڪٽر ايڊمنسٽريشن ايلن ڪن به موجود هئا.

مضمون کا ماخذ : لاٹری کی قانونی حیثیت

متعلقہ مضامین